 |
Llety yn Nhresaith Accommodation in Tresaith Fflatiau H/A | Self Catering Flats Canolfan Tresaith | Tresaith Centre Siop y Traeth | Beach Shop |
Canolfan Tresaith |
* Croeso |
Y Ganolfan hon yw un o adeiladau mwyaf pentref Tresaith, gyda digon o le i fyny at 44 o bobol gysgu ynddi! Fe’i rhennir yn ddwy ystafell dorm, un gyda gwelyau bync i 20 o fechgyn, a dorm arall â gwelyau bync i 20 o ferched. Ceir dwy ystafell fach drws neaf i’r ddau dorm lle y gall 2 athro / arweinydd aros gyda mwy o breifatrwydd! Mae yma ystfell fwyta / stafell fyw eang drws nesaf i gegin mawr hunan gynhaliol. Ceir dwy ystafell ymolchi sydd â chawodydd – un i’r bechgyn, ac un i’r merched. Lleolir y Ganolfan yng nghanol pentref glan môr Tresaith. Dim ond 200 llath o’r traeth ar hyd llwybr troed drwy ganol y pentref ydyw. Pwyswch ar un o'r lluniau i weld fersiwn mwy o faint:
Pwy all aros? Unrhyw grwp o bobol! Gallwch hirio’r Ganolfan yn breifat. Gofynnwn eich bod yn aros yno am o leiaf ddwy noson, a chydag o leiaf 10 o bobol yn aros y nos. Mae’n fan perffaith am dripiau ysgolion / ysgolion Sul / gwahanol fudiadau / teuluoedd / ffrindiau, i gyd rannu a mwynhau yn hafan diogel Tresaith. Dod â beth? Mae’r Ganolfan yn hunan gynhaliol. Ceir oergell a rhewgell mawr yn y gegin, felly dewch a digonedd o fwyd eich hun. Mae yna ffwrn nwy a man ffrio dwfn i goginio, peiriant pilio tatws a pheiriant golchi llestri. Dewch â dillad gwely (sengl) eich hun, boed yn sachau cysgu neu flancedi. Darperir gobenyddion ond dim gorchuddion. Parcio: Lle o flaen y ganolfan i ddau fws mini. Os oes angen rhagor o le, rhowch wybod o flaen llaw a gallwn sicrhau lle i barico wrth y traeth. Cyrraedd Canolfan Tresaith: O gyfeiriad Aberporth: Wedi cyrraedd Tresaith dilynwch yr heol i lawr a throi i’r chwith am y môr. Wedi troi i’r chwith cewch hyd i’r ganolfan wrth droi i’r mynediad chwith cyntaf, ac mae’r Ganolfan ar ben yr heol breifat hon. O gyfeiriad heol o’r gogledd: Wedi cyrraedd Tresaith, dilynwch yr heol gul i lawr ac i fyny hyd at droad yn yr heol, yma fe drowch i’r dde am y mor. Wedi troi i’r dde, cewch hyd i’r ganolfan wrth droi i’r mynediad chwith cyntaf, ac mae’r Ganolfan ar ben yr heol breifat hon. Canolfan Tresaith Gofynnwn i chi gadw mewn cof y lleolir y Ganolfan yng nghanol pentref sydd â phobol yn byw o gwmpas. Diolchir os cedwir y swn i lawr. Prisiau Canolfan Tresaith 2008: £10 y pen, y nos, yn unig yw hi i gael aros yn y Ganolfan. Darperir trydan, gwres a nwy yn y gost hyn! Rhoddir gostyngiad i griw sydd yn dysgu Cymraeg (ee CYD), i ysgolion uwchradd dwyieithog Cymru ac i griwiau Ysgolion Sul a chymdeithasau Cristnogol. Cysylltwch gyda ni am fwy o wybodaeth, neu pwyswch yma i archebu. Tresaith Yn awr mae lle i aros, |
Welcome * |
|||||||||||||||||||||||||||||||||||||
©
2008 tresaith.net |