Fflatiau Hafod y Môr

Os mai sir Benfro yw eich dileit, gallwn gynnig llety i chi yn un o gartrefi brafiaf tref poblogaidd Dinbych y Pysgod, yn ne’r sir.

Ty teulu o’r 19eg yw ‘Hafod y Môr’. Fe gynnwys 4 fflat foethus gyda golygfeydd gwych dros harbwr y dref o ymron i bob ffenestr. Y mae rhwyddineb y dref hefyd wrth garreg y drws i un cyfeiriad, ac wrth droi i’r cyfeiriad arall byddwch i lawr ar y traeth o fewn chwinciad!

Fflat Waldo – cysgu 9
Dyma’r fflat fwyaf sydd wedi’i leoli ar drydydd a phedwerydd llawr yr adeilad. Tra bod y golygfeydd ar draws yr harbwr yn wych, gall bod y nifer o risiau yn ei gwneud yn lletchwith i’r henoed. Mae’r fflat yn fawr a chyfforddus a byddai’n ddelfrydol go gyfer dau deulu ar wyliau gyda’i gilydd.

Ystafell Ddwbwl	Lolfa a Ystafell Fwyta	2 wely sengl

Fflat Harbwr – cysgu 3/5
Gorwedd y fflat hwn ar lawr isaf yr adeilad (ei gyrraedd wrth risiau ar y tu fas). Mae’n fflat cyfforddus ac yn cynnig rhwyddineb y dref a’r traeth i deulu sydd eu hangen wrth garreg eu drws. Arwain drysau Ffrengig at batio sydd yn arwain at ardal a rennir gyda’r fflat uwch ei ben gyda golyfeydd arbennig o’r mor. Mae’r llawr garreg wreiddiol wedi’i dadorchuddio er mwyn ychwanegu at gymeriad y fflat.

Y Lolfa	Lolfa a Ystafell Fwyta	Y Cyntedd

Fflat Crwys – cysgu 2/4
Y fflat hwn sydd gyntaf wrth wedi gael mynediad i dy Hafod y Mor, gyda golygfeydd o’r harbwr. Fe ranna batio gyda fflat Harbwr oddi tano.

Y Lolfa	Lolfa / Ystafell Fwyta / Cegin	Ystafell Ddwbwl

Fflat Dewi Emrys – cysgu 5/7
Mwynhewch olygfeydd o’r mor dros yr harbwr o bron i bob ffenestr. Gorwedd y fflat hwn ar lawr cyntaf ac ail lawr yr adeilad, gyda llwyth o le.

Ystafell Ddwbwl	Y Lolfa	2 wely sengl

Mae’r prisiau aros yn y fflatiau hyn yn amrywio £282 - £775 am wythnos. Cysylltwch i gael manylion.

Dinbych y Pysgod

Y mae Dinbych y Pysgod yn dref wedi’i wreiddio mewn hanes, wedi’i amgylchynu gyda mur nerthol adeiladwyd yn y 13eg.

Er hynny, yr hyn sydd fwyaf poblogaidd am y dref yw’r ddau draeth, un yn wynebu’r gogledd a’r llall yn wynebu’r de gyda Chraig y Castell rhyngddynt.

Mae digon o lefydd bwyta, rhai ohonynt yn llawn cymeriad Normanaidd, tafarndai a siopau ayb o fewn y dref.

Cyrraedd yno:

Cymerwch yr A40 tan i ch i gyrraedd San Cler (tua 20 milltir) ac wedyn cymerwch yr A477 i Ddinbych y Pysgod.

 

 

 

Yr Ardal gyfagos

Y mae sir Benfro wedi ysbrydoli artistiaid, ffotograffwyr, awduron ayb gyda’i arfordir ysblennydd. Y mae’r llwybr arfordirol rhwng Llandudoch (tu fas i Aberteifi) yng ngogledd y sir ac Amroth yn y de, yn dilyn arfordir Parc Cenedlaethol Sir Benfro drwy rai o olygfeydd mwyaf ysbrydoledig Ynysoedd Prydain. Arwain y llwybr ar hyd dopiau’r clogwyni gan fwyaf, gyda golygfeydd gwych o’r clogwyni hynny, y traethau ac ynysoedd a chreigiau oddi ar y tir mawr sy’n frith o fywyd adar. Dengys pob tro ar y llwybr rhywbeth gwahanol – harbwr bychan, pentref hardd, cromlech ers cyn cof, meini hirion o’r Oes Efydd, caerau o’r Oes Haearn, eglwys neu gapel y seintiau Celtaidd cynnar a’u dilynwyr, neu gastell adeiladwyd gan y Normaniaid.

Dolenni diddorol

• Llwybr arfordirol Sir Benfro - www.tenbyguide.com
• Traethau Dinbych y Pysgod - www.tenbyguide.com
• Tudalen ar Ddinbych y Pysgod - www.bbc.co.uk/wales/
• Tudalen arall ar Ddinbych y Pysgod - www.bbc.co.uk/wales/