Fflatiau Fronifor - Fflat Eluned

Fflatiau Fronifor | Fflat Cilie | Fflat Eluned | Fflat Ty Llew

Mae'r fflat hwn yn cysgu i fyny at 3 person. Mae yma stafell wely ddwbl olau, a gellid cysgu ar y soffa ledr mawr sydd yn y lolfa! Ceir golygfa wych dros bentref Tresaith ac o’r mor o ffenest y lolfa. Darperir yr holl ddillad gwely. Cynnwys y gegin bopty ping (meicrodon), hobiau coginio, ac oergell.

Pwyswch yma i weld prisiau aros yn Fflat Eluned, Fronifor, neu yma i gael y manylion archebu.

Pwyswch ar un o'r lluniau i weld fersiwn mwy o faint:

Y Lolfa	Golygfa o'r Fflat	Ystafell Wely
Ystafell Wely	Drych	Bwrdd a Chadair

Manylion Pellach

Ar osod:	Eluned, Fflat hunan-arlwyo
Cysgu:	3 - Gwely dwbl ledr, a soffa fawr ledr
Ar agor:	Trwy'r flwyddyn
Ieithoedd:	Cymraeg a Saesneg
Mynediad i’r anabl?	Na, grisiau yn arwain at fynediad i’r fflat.
Croesewir:	Cerddwyr, Beicwyr (sied i gadw beiciau gyda chlo), Pysgotwyr, Plant. Dim anifeiliaid anwes a dim ysmygu.
Adnoddau:	Gardd, Parcio preifat
Dillad:	Darperir dillad gwely
Cynnwys y gegin:	4 hob goginio, Meicrodon, Oergell, Tostiwr, Tegell, Bwrdd bwyta a Chadeiriau
Stafell ’molchi:	Ty Bach, Sinc a Chawod
Cyffredinol:	Gwres canolog, Bwrdd a Pheiriant Smwddio, Teledu lliw, Chwaraeydd DVD
Archebu:	Dros y we neu'r ffôn - derbynir cerdyn credyd
Lleiafswm wythnos:	£202 - Pwyswch yma i weld prisiau
Uchafswm wythnos:	£307 - Pwyswch yma i weld prisiau

Cafodd y fflat yma ei henwi ar ôl - Eluned Phillips

Bardd o Genarth ar y ffin rhwng Ceredigion a Sir Gaerfyrddin. Hi yw’r unig wraig i ennill y Goron yn yr Eisteddfod Genedlaethol ddwywaith.

Y tro cyntaf oedd yn Eisteddfod Y Bala ym 1967. Y testun oedd ‘Corlannau’ ac ysgrifennodd ddwy bryddest, gydag un ohonynt yn ennill y Goron a’r llall hefyd ymhlith y dair orau yn y gystadleaueth. Ei phwnc yn y gerdd fuddugol yw tair o gorlannau crefyddol y byd, crefydd Islam, Cristnogaeth a chrefydd Bwda'r Tseineaid.

Yr ail dro iddi ennill y Goron, oedd yn Eisteddfod Ynys Môn yn 1983. Testun y bryddest oedd ‘Clymau’. Ynddo mae Eluned Phillips yn cymryd agwedd dra gwahanol i agwedd ymffrostgar Prif Weinidog Prydain ar y pryd, Margaret Thatcher, wnaeth ddatgan rhyfel â’r Ariannin dros Ynysoedd y Malvinas. 'Roedd y bryddest yn cyfeirio at y dioddef a welwyd ar fwrdd y Sir Galahad, ac yn gresynu fod pobl o'r un hil, o Gymru ac o Batagonia, yn tanio ar ei gilydd.

© 2008 tresaith.net